5
کراچی( اباسین خبر)شارع فیصل کارساز پر گزشتہ روز پیش آنے والے ٹریفک حادثے کا مقدمہ متوفیہ کے والد کی مدعیت میں درج کر لیا گیا ہے۔پولیس کے مطابق، مدعی مقدمہ نے اپنی بیٹی اور داماد کو تیز رفتار گاڑی کی ٹکر سے جاں بحق ہونے کا الزام عائد کیا ہے۔پولیس نے بتایا کہ حادثے کے بعد گاڑی کے ڈرائیور کو گرفتار کر لیا گیا ہے، جو 17 سال کا نوجوان ہے اور اس کے پاس ڈرائیونگ لائسنس موجود نہیں تھا۔ ملزم نے اعتراف کیا کہ گاڑی چلانے کے لیے اس نے اپنے دوست سعد سے گاڑی لی تھی۔
