مریم نواز کا تھاٹر کے عالمی دن پر فنکاروں کیلئے آرٹسٹ فنڈ قائم، ثقافت کی ترویج کے لیے اقدامات کااعلان

لاہور( اباسین خبر) وزیرِ اعلی پنجاب مریم نواز نے تھیٹر کے عالمی دن کے موقع پر کہا ہے کہ تھیٹر فن و ثقافت کا آئینہ دار ہے جو معاشرتی اقدار کی عکاسی اور شعور فراہم کرتا ہے۔اپنے پیغام میں مریم نواز نے کہا کہ تھیٹر پاکستان کے مثبت تشخص اور تہذیبی ورثے کے فروغ میں اہم کردار ادا کر سکتا ہے۔ انہوں نے مزید کہا کہ پنجاب حکومت تھیٹر کی اپ گریڈیشن کے لیے اقدامات کر رہی ہے اور فنکاروں کی فلاح و بہبود کے لیے آرٹسٹ فنڈ بھی قائم کر دیا گیا ہے۔مریم نواز نے یہ بھی کہا کہ تھیٹر کو بحال کر کے فن و ثقافت کی ترویج کے لیے بہترین ذریعہ بنایا جائے گا۔