دانش تیمور کا شادیوں سے متعلق بیان سوشل میڈیا پر ہنگامہ، وضاحت اور معذرت کی ویڈیو ڈیلیٹ

کراچی( شوبز ڈیسک)پاکستان کے معروف اداکار و ماڈل دانش تیمور نے کچھ روز قبل 4 شادیوں کی اجازت سے متعلق اپنے بیان پر وضاحت اور معذرت پر مبنی ویڈیو جاری کی تھی، جسے اب انہوں نے ڈیلیٹ کر دیا ہے۔اداکار دانش تیمور اس وقت ایک نجی ٹی وی چینل کی خصوصی رمضان ٹرانسمیشن کی میزبانی کر رہے ہیں، جہاں انہوں نے اپنی ساتھی میزبان رابعہ انعم کے ہمراہ اپنی اہلیہ اداکارہ عائزہ خان کو مدعو کیا تھا۔گفتگو کے دوران دانش تیمور نے عائزہ خان سے محبت کا اظہار کرتے ہوئے کہا تھا کہ “آج میں عائزہ اور سب کے سامنے کہوں گا کہ مجھے 4 شادیوں کی اجازت ہے، لیکن میں کر نہیں رہا وہ الگ بات ہے۔ یہ اجازت مجھے اللہ نے دی ہے، اس لیے مجھ سے کوئی چھین نہیں سکتا، لیکن یہ میرا عائزہ کے لیے پیار اور احترام ہے کہ میں فی الحال ان کے ساتھ ہی زندگی گزارنا چاہتا ہوں۔”لفظ “فی الحال” نے سوشل میڈیا پر ایک بڑا تنازعہ کھڑا کر دیا تھا، جس پر کئی اہم شخصیات نے عائزہ خان کا دفاع کرتے ہوئے دانش تیمور کو سخت تنقید کا نشانہ بنایا تھا۔ اس بیان کے بعد سوشل میڈیا صارفین نے اس پر بحث شروع کر دی تھی، جس پر کئی دنوں تک گفتگو ہوتی رہی۔