ہزاروںیتیم طلبہ و طالبات کو بائیکس کی ڈیلیوری کی جا چکی ہے:سیکریٹری ٹرانسپورٹ پنجاب کی بریفنگ

لاہور( اباسین خبر)پنجاب کے سیکریٹری ٹرانسپورٹ نے کہا ہے کہ یتیم طلبہ و طالبات کو مکمل ویری فیکیشن کے بعد فری بائیک فراہم کی جا رہی ہیں۔ وزیرِ ٹرانسپورٹ پنجاب بلال اکبر کی زیرِ صدارت اسٹیرنگ کمیٹی کا اجلاس ہوا جس میں سیکریٹری ٹرانسپورٹ پنجاب نے بائیکس فراہمی اسکیم میں پیش رفت پر بریفنگ دی۔سیکریٹری ٹرانسپورٹ نے بتایا کہ ہزاروں طلبا کو کامیابی سے بائیکس کی ڈیلیوری کی جا چکی ہے اور مقررہ ٹارگٹ تک پہنچنے والے ہیں۔ انہوں نے مزید کہا کہ ویٹنگ لسٹ میں شامل اسٹوڈنٹس کو بھی بائیکس کے حصول کا موقع فراہم کیا جا رہا ہے۔