کامران اکمل کی اہلیہ عائزہ اکمل کے ساتھ محبت کی کہانی: پاکستانی ڈراموں جیسی نکلی

لاہور( سپورٹس ڈیسک)پاکستان کے معروف کرکٹر کامران اکمل اور ان کی اہلیہ عائزہ اکمل حال ہی میں ایک شو میں مہمان بنے، جہاں کامران اکمل نے اپنی محبت بھری کہانی مداحوں کے ساتھ شیئر کی۔ انہوں نے انکشاف کیا کہ ابتدا میں وہ عائزہ سے شادی نہیں کرنا چاہتے تھے اور عائزہ کو کرکٹرز کی چمک دمک والی زندگی بالکل پسند نہیں تھی۔ دونوں کی سوچ مختلف تھی اور دونوں ہی شادی کو مخر کرنا چاہتے تھے، لیکن تقدیر نے کچھ اور ہی چاہا۔کامران اکمل نے بتایا کہ عائزہ کامران اکمل کے بھائی عمر اکمل کے دوست کی بہن ہیں اور جب ان کے والدین نے شادی کے لیے زور دیا تو کامران اس نیت سے ملاقات کے لیے گئے تھے کہ وہ رشتہ رد کر سکیں۔ مگر جب ملاقات ہوئی اور عائزہ کے خاندان سے ملے، تو ان کی سوچ یکدم بدل گئی۔ کامران نے کہا کہ اس ملاقات کے بعد وہ سمجھ گئے کہ عائزہ ہی ان کے لیے بہترین شریکِ حیات ہیں، اور یہ فیصلہ ان کی زندگی کا سب سے اچھا فیصلہ ثابت ہوا۔کامران اکمل کی یہ کہانی سن کر مداحوں نے کہا کہ یہ کسی پاکستانی ڈرامے کی کہانی سے کم نہیں، جہاں دو مختلف سوچ رکھنے والے افراد آخرکار ایک خوبصورت بندھن میں بندھ جاتے ہیں۔