5
ڈیرہ اسماعیل خان( ہیلتھ ڈیسک)ڈیرہ اسماعیل خان کے ڈسٹرکٹ ہیڈکوارٹر ٹیچنگ اسپتال سے ڈیڑھ کروڑ روپے کی ادویات کی چوری کا انکشاف ہوا ہے۔ اسپتال کے اسٹور کیپر، اسسٹنٹ اسٹور کیپر اور ان کے 4 سہولت کاروں کو گرفتار کر لیا گیا ہے۔ اسپتال کے ڈائریکٹر ڈاکٹر طاہر گنڈاپور کے مطابق، یہ افراد گزشتہ رات اسپتال کے اسٹور سے ادویات چوری کر کے لانڈری ایریا میں چھپانے کی کوشش کر رہے تھے، جب پولیس نے انہیں رنگے ہاتھوں پکڑ لیا۔ چوری کی گئی ادویات کی مالیت ایک کروڑ 50 لاکھ روپے تھی۔ اس کے علاوہ، نگران دور میں 60 کروڑ روپے کی سرکاری ادویات کا کوئی ریکارڈ موجود نہیں، اور نیب گزشتہ سات سال میں ایک ارب 27 کروڑ روپے کی انکوائری کر رہا ہے۔
