نیب نے پرویز خٹک اور شہاب علی شاہ کے خلاف بی آر ٹی کرپشن کیس کی کارروائی روک دی

پشاور( اباسین خبر)نیب خیبر پختون خوا نے پشاور بس ریپڈ ٹرانزٹ (بی آر ٹی) منصوبے میں مبینہ کرپشن کیس کی کارروائی روک دی ہے۔ ترجمان کے مطابق دونوں افراد کے خلاف شواہد نہ ملنے پر کارروائی ختم کر دی گئی۔ نیب نے پشاور ڈیولپمنٹ اتھارٹی کو اس فیصلے سے آگاہ کر دیا ہے۔ اس کیس میں سابق چیف سیکریٹری اور تین چینی کنٹریکٹرز کے خلاف بھی کارروائی روک دی گئی ہے۔ بی آر ٹی منصوبہ پرویز خٹک کے دور حکومت میں شروع ہوا تھا، جبکہ شہاب علی شاہ اس وقت سیکریٹری منصوبہ بندی و ترقی تھے۔