حکومتی تو جہ ٹیکس، توانائی اور سرکاری اداروں کی اصلاحات کے عمل پر مرکوز ہے:وزیر خزانہ

اسلام آباد( کامرس ڈیسک)وزیر خزانہ محمد اورنگزیب نے کہا ہے کہ پاکستان اپنی معیشت کو پیداواری اور برآمدی ترقی کی راہ پر گامزن کرنے کے لیے پرعزم ہے۔ آئی ایم ایف سے معاہدے کے بعد نجی ٹی وی سے گفتگو کرتے ہوئے وزیر خزانہ نے بتایا کہ حکومت ٹیکس، توانائی اور سرکاری اداروں کی اصلاحات کے عمل پر توجہ مرکوز کر رہی ہے۔یہ بیان اس وقت آیا جب پاکستان اور عالمی مالیاتی فنڈ (آئی ایم ایف) کے درمیان 2 ارب ڈالر قرض کے اسٹاف لیول معاہدے پر کامیاب مذاکرات ہوئے ہیں۔ آئی ایم ایف ٹیم کی قیادت نیتھن پورٹر نے کی، اور معاہدے کی حتمی منظوری آئی ایم ایف کے بورڈ سے لی جائے گی۔ اس منظوری کی صورت میں پاکستان کو توسیعی فنڈ فیسیلیٹی کے تحت 1 ارب ڈالر فراہم کیے جائیں گے۔