اسرائیلی پابندیاں فلسطینیوں کو مسجدِ اقصی میں نماز سے نہ روک سکیں

تل ابیب ( مانیٹرنگ ڈیسک)اسرائیل کی پابندیوں کے باوجود تقریبا ایک لاکھ فلسطینیوں نے 25 ویں رمضان کو مسجدِ اقصی میں نمازِ تراویح اور دیگر عبادات ادا کیں۔ یروشلم کے وقف کے مطابق ان نمازیوں میں زیادہ تر یروشلم کے رہائشی اور اسرائیل کے فلسطینی شہری شامل تھے۔عرب میڈیا کے مطابق، مغربی کنارے کے مختلف شہروں اور قصبوں سے ہزاروں فلسطینیوں کو اسرائیلی فوجی چوکیوں کی مدد سے یروشلم میں داخل ہونے سے روک دیا گیا تھا، تاہم اس کے باوجود فلسطینیوں کا عزم مسجدِ اقصی میں عبادت کرنے کے لیے برقرار رہا۔