4
کراچی ( اباسین خبر)سندھ حکومت نے کراچی کی ترقی اور خوبصورتی کے منصوبے کے لیے ٹاسک فورس قائم کرنے کا اعلان کیا ہے۔ چیف سیکریٹری سندھ کے ترجمان کے مطابق میئر کراچی کو ٹاسک فورس کا چیئرمین مقرر کیا گیا ہے، جبکہ کمشنر کراچی اور دیگر حکام بھی اس میں شامل ہیں۔یہ ٹاسک فورس کراچی کی اہم شاہراہوں کی بحالی، صفائی اور خوبصورتی کے کاموں کی نگرانی کرے گی۔ اس کے ساتھ ہی ٹاسک فورس کو تجاوزات، غیر قانونی پارکنگ اور سیوریج مسائل کے حل کی ذمہ داری بھی دی گئی ہے۔ترجمان نے بتایا کہ کراچی کی اہم سڑکوں جیسے شاہراہِ فیصل، شاہراہِ قائدین، شیر شاہ سوری روڈ اور دیگر کی بہتری کا منصوبہ ہے۔ ان سڑکوں پر ترقیاتی کاموں کا آغاز کیا جائے گا، اور سندھ حکومت کی ہدایت پر تمام متعلقہ اداروں کو ٹاسک فورس کے ساتھ مکمل تعاون کرنے کی ہدایت دی گئی ہے۔
