پنجاب سرکار نے بھی سکول کے بچوں کو چھٹیوں کی نو ید سنا دی

لاہور( ایجوکیشن ڈیسک)پنجاب بھر کے سرکاری سکولوں میں عیدالفطر کی تعطیلات کا باقاعدہ نوٹیفکیشن جاری کر دیا گیا ہے۔ سیکرٹری سکولز ایجوکیشن خالد نذیر وٹو کے مطابق عید کی تعطیلات کا آغاز 28 مارچ سے ہوگا، جو 6 اپریل تک جاری رہیں گی۔ سکول 7 اپریل سے دوبارہ کھلیں گے۔خالد نذیر وٹو نے مزید بتایا کہ نئے تعلیمی سال کا آغاز بھی 7 اپریل سے ہوگا، جبکہ سکولوں میں سالانہ نتائج کا اعلان 4 اپریل کو کیا جائے گا۔یاد رہے کہ محکمہ ہائر ایجوکیشن نے بھی عید کی تعطیلات کا اعلان کیا تھا، جو 28 مارچ سے 2 اپریل تک جاری رہیں گی۔ مراسلے میں کہا گیا ہے کہ چھٹیوں سے نویں جماعت کے سالانہ امتحانات پر کوئی اثر نہیں پڑے گا۔