کراچی( اباسین خبر) صحافی فرحان ملک کو ملیر کورٹ میں پیش کیا گیا جہاں عدالت نے انہیں 5 دن کے لیے ایف آئی اے کی تحویل میں دینے کا حکم دے دیا۔ فرحان ملک پر غیر قانونی کال سینٹر چلانے کا الزام عائد کیا گیا ہے۔واضح رہے کہ وفاقی تحقیقاتی ایجنسی (ایف آئی اے) نے صحافی فرحان ملک کو گزشتہ روز جوڈیشل مجسٹریٹ شرقی کی عدالت میں پیش کیا تھا۔ وکیل صفائی نے کیس سے ڈسچارج کرنے کی درخواست دائر کی، جبکہ تفتیشی افسر نے بتایا کہ ریاست مخالف ویڈیوز پوسٹ کی گئی ہیں۔ عدالت نے استفسار کیا کہ ویڈیوز دکھائی جائیں، جس پر جوڈیشل مجسٹریٹ نے فرحان ملک کو عدالتی ریمانڈ پر جیل بھیج دیا۔قبل ازیں سندھ ہائیکورٹ نے صحافی فرحان ملک کے مقدمے کو ختم کرنے کی درخواست پر مدعا علیہان کو نوٹس جاری کیے تھے۔ ایف آئی اے سائبر کرائم سرکل نے کراچی میں ایک کارروائی کے دوران فرحان ملک کو ریاست مخالف پروپیگنڈے کے تحت گرفتار کیا تھا۔
غیر قانونی کال سینٹر چلانے کے الزام میں گر فتارصحافی فرحان ملک ایف آئی اے کے حوالے
6
