5
لاہور( اباسین خبر)وزیرِ اعلی مریم نواز کی ہدایت پر محکمہ جنگلی حیات نے دریائے سندھ کے ملحقہ علاقے دریا خان بھکر میں کامیاب کومبنگ آپریشن کیا اور 8 کونجیں برآمد کر لیں۔محکمہ وائلڈ لائف کے اعلامیے کے مطابق شکاریوں کے خلاف کارروائی کے دوران ٹیم کو دیکھتے ہی وہ اپنا سامان چھوڑ کر فرار ہو گئے۔ ترجمان نے بتایا کہ یہ کارروائی غیر قانونی طور پر کونجوں کے شکار کے خلاف کی گئی۔ وائلڈ لائف ایکٹ کے تحت کونج ایک تحفظ شدہ جنگلی حیات ہے۔چھاپہ مار ٹیم نے شکار کے لیے بنائے گئے ٹھکانے کو آگ لگا کر شکار کا تمام سامان ضبط کر لیا۔ اس کارروائی میں 8 کونجیں برآمد کی گئیں، جو سائبیریا ہجرت کرنے والی دیگر گونجوں کے شکار میں استعمال کی جا رہی تھیں۔کارروائی کے دوران تین ملزمان کے خلاف مقدمہ درج کیا گیا ہے۔
