5
لاہور( سپورٹس ڈیسک) پاکستان سپر لیگ (پی ایس ایل) 10 کے ری پلیسمنٹ ڈرافٹ آج ہوں گے، جو پاکستان کرکٹ بورڈ (پی سی بی) کے مطابق ورچوئل سیشن میں منعقد ہوں گے۔ پی سی بی نے بتایا ہے کہ 5 کرکٹرز چند میچز کے لیے اپنی فرنچائزز کے لیے دستیاب نہیں ہوں گے، جس کے نتیجے میں فرنچائزز جزوی طور پر عدم دستیاب کھلاڑیوں کے متبادل کھلاڑی منتخب کریں گی۔پشاور زلمی ناہید رانا اور کراچی کنگز لٹن داس کے متبادل کھلاڑی لے گی، جبکہ رسی وین ڈر ڈوسن، مارک چیپمین اور کین ولیمسن بھی چند میچز کے لیے دستیاب نہیں ہوں گے۔ پی سی بی کا مزید کہنا تھا کہ پشاور زلمی کاربن بوش کی جگہ پورے سیزن کے لیے کھلاڑی کا انتخاب کرے گی۔یاد رہے کہ ایچ بی ایل پی ایس ایل کا دسواں ایڈیشن 11 اپریل سے شروع ہو گا، جس میں یہ تبدیلیاں فرنچائزز کے لئے اہم ہوں گی۔
