خیبر پختونخوا کے اٹارنی جنرل آفس میں بڑی تبدیلیاں، نئے افسران کی تعیناتیاں

پشاور( اباسین خبر)خیبر پختونخوا کے اٹارنی جنرل آفس میں بڑے پیمانے پر تبدیلیاں کی گئی ہیں اور ڈپٹی اٹارنی جنرل ون، ثنا اللہ خان کو خیبر پختونخوا کا نیا ایڈیشنل اٹارنی جنرل تعینات کر دیا گیا ہے۔اٹارنی جنرل آف پاکستان کے دفتر سے جاری اعلامیے کے مطابق خیبر پختونخوا کے اٹارنی جنرل آفس میں نئے افسران کو تعینات کرنے کے ساتھ ساتھ کئی افسران کو ان کے عہدوں سے ہٹا دیا گیا ہے۔نئے تعینات افسران:ثنا اللہ خان کو ایڈیشنل اٹارنی جنرل آف پاکستان خیبر پختونخوا کی ذمہ داریاں تفویض کی گئیں۔گوہر رحمان خٹک کو پیپلز لائز فورم خیبر پختونخوا کا صوبائی صدر مقرر کیا گیا اور وہ ڈپٹی اٹارنی جنرل ون کے طور پر خدمات سرانجام دیں گے۔پاکستان مسلم لیگ (ن) سے تعلق رکھنے والے محمد عاطف نذیر کو ڈپٹی اٹارنی جنرل ٹو اور اکبر یوسف کو ڈپٹی اٹارنی جنرل تھری مقرر کیا گیا۔بیرسٹر راحت علی خان نحقی کو دوبارہ اسسٹنٹ اٹارنی جنرل آف پاکستان خیبر پختونخوا تعینات کیا گیا۔دیگر اسسٹنٹ اٹارنی جنرل آف پاکستان میں اشفاق خلیل، فصیح اللہ، تیور خان، فرہاد علی، اور اشفاق احمد شامل ہیں۔