غزہ میں اسرائیلی کی پھر غنڈہ گردی ،تا زہ حملوں میں شہادتوں کی تعداد 440 سے تجاوز کر گئی

غزہ ( مانیٹرنگ ڈیسک)اسرائیل کی ہٹ دھرمی اور جارحیت کا سلسلہ بدستور جاری ہے، تازہ حملوں میں شہادتوں کی تعداد 37 ہو گئی ہے۔ غیر ملکی میڈیا کے مطابق، اسرائیلی فورسز نے خان یونس میں کئی گھروں کو نشانہ بنایا۔جنگ بندی معاہدے کی خلاف ورزی کرتے ہوئے، اسرائیل کے حملوں کے نتیجے میں 18 مارچ سے اب تک 440 سے زائد افراد شہید ہو چکے ہیں جبکہ 650 سے زیادہ زخمی ہیں۔ منگل اور بدھ کے اسرائیلی فضائی حملوں میں 183 بچے بھی شہید ہوئے تھے۔غزہ کی وزارت صحت کے مطابق، 7 اکتوبر 2023 سے اب تک اسرائیلی جارحیت میں 49 ہزار 547 افراد شہید اور ایک لاکھ 12 ہزار 547 زخمی ہو چکے ہیں۔