ممبئی ( شوبز ڈیسک)بالی ووڈ کے معروف اداکار گووندا کی اہلیہ سنیتا آہوجا نے حال ہی میں ایک انٹرویو میں انکشاف کیا کہ وہ گزشتہ 12 سالوں سے اپنی سالگرہ اپنے شوہر اور بچوں کے بغیر مناتی ہیں۔ ان کا کہنا تھا کہ وہ سالگرہ کے دن صبح مندر جاتی ہیں اور شام 8 بجتے ہی شراب کی بوتل کھول لیتی ہیں۔سنیتا کا کہنا تھا کہ انہیں شراب نوشی بیحد پسند ہے اور اگرچہ وہ ساری زندگی بچوں کے ساتھ مصروف رہیں، لیکن اب جب کہ بچے بڑے ہوچکے ہیں، وہ اکیلے وقت گزارنا پسند کرتی ہیں۔ شوہر گووندا کے بارے میں انہوں نے بتایا کہ گووندا ان کے پینے کے شوق کو کچھ یوں بیان کرتے ہیں کہ “ہمارے گھر میں ایک ‘دھرم جی’ ہیں”۔سنیتا نے مزید وضاحت دی کہ وہ ہر وقت شراب نہیں پیتیں بلکہ صرف خاص موقعوں پر جیسے سالگرہ، تہوار، یا اتوار کے دن ایسا کرتی ہیں۔اپنے شوہر گووندا کے ساتھ تعلقات پر بات کرتے ہوئے سنیتا نے کہا کہ شروعات میں ان کے درمیان اختلافات ہوتے تھے اور اکثر بحث بھی ہو جاتی تھی۔ تاہم، وقت کے ساتھ انہوں نے گووندا کی پسند کے مطابق خود کو ڈھال لیا، مثلا باب کٹ سے لمبے بال رکھنا۔مزاحیہ انداز میں سنیتا نے کہا کہ “محبت اندھی ہوتی ہے مگر اب ان کی آنکھیں کھل رہی ہیں۔”
12 سال سے اکیلے اپنی سالگرہ مناتی آرہی ہوں، گووندا کی اہلیہ کا انکشاف
5
