وزیراعظم نے اسلام آباد میں رجب طیب اردوان انٹرچینج کا افتتاح کر دیا

اسلام آباد( اباسینخبر)وزیراعظم شہباز شریف نے اسلام آباد میں رجب طیب اردوان انٹرچینج کا افتتاح کر دیا ہے۔ یہ منصوبہ ایف 8 اسلام آباد میں واقع ہے اور اس کا مقصد اسلام آباد اور راولپنڈی کے شہریوں کو مزید سہولت فراہم کرنا ہے۔اپنے خطاب میں وزیراعظم نے کہا کہ جناح سکوائر کے بعد یہ ایک اور اہم عوامی منصوبہ مکمل کیا گیا ہے، جس سے شہر اقتدار میں ترقیاتی کاموں کا سلسلہ جاری ہے۔ انہوں نے سی ڈی اے کے چیئرمین محسن نقوی اور ان کی ٹیم کو مبارکباد دی اور اس منصوبے کی قلیل مدت میں تکمیل کو سراہا۔انہوں نے مزید کہا کہ اس منصوبے میں انڈرپاسز اور یوٹرنز بنائے گئے ہیں، جو عوام کی سہولت کے لئے اہم ہیں۔ وزیراعظم نے یہ بھی کہا کہ ترک صدر کی آمد کے موقع پر اسلام آباد کو خوبصورتی سے سجایا گیا ہے اور اس منصوبے کی ویڈیو اور پیغام ترک صدر تک پہنچایا جائے گا، تاکہ پاکستان اور ترکی کے برادرانہ تعلقات کو مزید مضبوط کیا جا سکے۔وزیراعظم نے یہ بھی بتایا کہ اس منصوبے کو مجوزہ لاگت سے کم لاگت میں مکمل کیا گیا ہے اور اسلام آباد کی خوبصورتی میں اضافے کے لئے مزید اقدامات کیے جائیں گے۔