سوات اور گردونواح میں زلزلے کے جھٹکے، شہریوں میں خوف وہراس

پشاور( اباسین خبر)سوات اور گردونواح میں حالیہ زلزلے کے جھٹکوں سے شہری خوف و ہراس میں مبتلا ہو گئے۔ زلزلہ پیما مرکز کے مطابق زلزلے کی شدت 5.1 ریکارڈ کی گئی تھی، اور اس کی گہرائی 166 کلو میٹر زیرِ زمین تھی۔ زلزلے کا مرکز پاک افغانستان اور تاجکستان کے سرحدی علاقے میں تھا۔زلزلے کے دوران لوگ کلمہ طیبہ کا ورد کرتے ہوئے گھروں سے باہر نکل آئے، تاہم خوش قسمتی سے کسی جانی نقصان کی اطلاع نہیں ملی۔ اس سے قبل بھی سوات اور اس کے گردونواح میں زلزلے کے جھٹکے محسوس کیے گئے تھے، جن کی شدت ریکٹر سکیل پر 4.5 تھی اور ان کی گہرائی 80 کلو میٹر تھی، جبکہ اس کا مرکز کوہ ہندوکش کے پہاڑی سلسلے میں تھا۔