جے یو آئی کی اپوزیشن اتحاد میں شمولیت کی خبروں سے کچھ حلقوں کو تکلیف ہے، ترجمان

اسلام آباد( اباسین خبر)جمعیت علمائے اسلام (جے یو آئی) کے ترجمان اسلم غوری نے ایک بیان میں کہا کہ جے یو آئی کی اپوزیشن اتحاد میں شمولیت کی خبروں سے کچھ حلقوں کو تکلیف ہو رہی ہے، اور وہی حلقے بے بنیاد خبریں پھیلا رہے ہیں۔اسلم غوری کا کہنا تھا کہ مولانا فضل الرحمان بغیر کسی عہدے کے بھی اپوزیشن اتحاد میں اہم کردار ادا کر رہے ہیں، اور ان کا قائدانہ کردار کسی عہدے کا محتاج نہیں ہے۔ ان کے مطابق، مولانا فضل الرحمان کی شمولیت سے اپوزیشن مزید مضبوط ہوگی۔انہوں نے کہا کہ جے یو آئی آہستہ آہستہ گرینڈ الائنس کی طرف بڑھ رہی ہے اور اس طرح کے مخالف بیانات اپوزیشن کے درمیان فاصلے کم کر رہے ہیں۔ اسلم غوری نے مزید کہا کہ مولانا فضل الرحمان کی پارلیمنٹ میں کی گئی تقریر کے بعد ان کی کردار کشی کی مہم چلائی جا رہی ہے، اور قوم جانتی ہے کہ فصلی بٹیرے کہاں سے متحرک ہوتے ہیں۔