لنڈن ( ہیلتھ ڈیسک)نئی تحقیق سے یہ بات سامنے آئی ہے کہ زخموں سے ہونے والی تکلیف میں موسیقی سننے سے کمی آ سکتی ہے۔ گزشتہ ہفتے شائع ہونے والی تحقیق کے مطابق ماہرین نے یہ نتیجہ اخذ کیا کہ موسیقی کسی تکلیف میں توجہ کو دوسری طرف موڑ کر درد کو کم کرنے میں مددگار ثابت ہوتی ہے۔تحقیق کے دوران یہ بھی پتا چلا کہ کچھ گانے دوسروں کی نسبت زیادہ اثر انداز ہوتے ہیں۔ برطانیہ میں ہر چار میں سے ایک شخص کسی نہ کسی تکلیف میں مبتلا ہوتا ہے، اور این ایچ ایس (نیشنل ہیلتھ سروس) کا عام علاج پین کلرز (درد کش ادویات)، فزیوتھیراپی، اور ٹاکنگ تھیراپی ہوتا ہے۔کینیڈا کی میک گل یونیورسٹی کے محققین کی اس نئی تحقیق میں یہ گمان ظاہر کیا گیا ہے کہ موسیقی تکلیف کے علاج میں اہم کردار ادا کر سکتی ہے۔اس تحقیق میں 60 افراد کو شامل کیا گیا جنہیں ہلکے درجے کے الیکٹرک جھٹکے لگائے گئے، جو کہ ایک گرم مگ کو چھونے جیسا احساس پیدا کرتے ہیں۔ ان افراد میں سے ایک تہائی کو کہا گیا کہ وہ خاموشی سے بیٹھیں، دوسرے ایک تہائی کو اپنی پسند کی موسیقی سننے کو کہا گیا، اور باقی افراد نے اپنی مرضی سے موسیقی سنی۔نتائج سے یہ پتہ چلا کہ ہر شخص کا قدرتی ردھم مختلف ہوتا ہے اور مختلف قسم کی موسیقی سنتے ہیں۔ تحقیق سے معلوم ہوا کہ کسی بھی قسم کی موسیقی سننے سے تکلیف میں کمی آتی ہے، مگر جن لوگوں نے اپنی پسندیدہ موسیقی سنی، ان میں درد میں سب سے زیادہ کمی دیکھنے کو ملی۔
زخم لگنے سے ہونے والی تکلیف موسیقی سننے سے کم ہوسکتی ہے، نئی تحقیق
3
