مریم نفیس کو ’بے بی بمپ‘ کے ساتھ فوٹوشوٹ پر تنقید کا سامنا

کراچی ( شوبزڈیسک)پاکستان کی معروف اداکارہ مریم نفیس کو حال ہی میں اپنے حمل کے دوران بے بی بمپ کے ساتھ فوٹوشوٹ اور تصاویر شیئر کرنے پر سوشل میڈیا پر تنقید کا سامنا کرنا پڑا۔ مریم نے اپنے شوہر کے ساتھ رومانوی انداز میں تصاویر اور ویڈیوز شیئر کیں، جس پر کئی سوشل میڈیا صارفین نے انہیں شدید تنقید کا نشانہ بنایا۔زیادہ تر افراد نے ان کے انداز کو بے حیائی قرار دیتے ہوئے انہیں شرم کرنے کی ہدایات دیں، خاص طور پر خواتین نے انہیں اپنے لباس اور انداز پر اعتراض کیا۔ بعض نے ان پر یہ الزام بھی عائد کیا کہ وہ بے حیائی پھیلانے کی کوشش کر رہی ہیں۔ تاہم، کچھ مداحوں نے ان کی خوبصورتی اور فیشن کی تعریف کی اور ان پر کیے گئے منفی تبصروں کا جواب دیا۔ ان افراد نے کہا کہ جو لوگ نفرت انگیز اور غیر ضروری تبصرے کرتے ہیں، انہیں بہتر ہوگا کہ وہ خاموش رہیں۔یہ معاملہ اس بات کا عکاس ہے کہ سوشل میڈیا پر عوامی شخصیتوں کو ان کے ذاتی فیصلوں پر کس طرح ردعمل کا سامنا کرنا پڑتا ہے، چاہے وہ مثبت ہو یا منفی۔