مہوش حیات اور سنجے دت کی سیلفی وائرل، کیا نیا پروجیکٹ آنے والا ہے؟

ممبئی ( شو بز ڈیسک)پاکستانی اداکارہ مہوش حیات اور بھارتی سپر اسٹار سنجے دت کی ایک ساتھ سیلفی نے سوشل میڈیا پر دھوم مچادی ہے۔ مہوش نے یہ تصویر اپنے انسٹاگرام اکانٹ پر شیئر کی، جس نے پاکستان اور بھارت دونوں ممالک کے مداحوں کی توجہ حاصل کی۔ دونوں کے درمیان تصویر دیکھ کر شائقین نے مختلف چہ مگوئیاں شروع کر دی ہیں اور یہ اندازہ لگایا جا رہا ہے کہ شاید وہ کسی مشترکہ پروجیکٹ میں کام کرنے والے ہیں۔ تاہم، ابھی تک کسی پروجیکٹ کی باضابطہ تصدیق نہیں کی گئی، لیکن یہ تصویر شائقین کی امیدوں کو بڑھا رہی ہے۔اس کے علاوہ، کچھ دنوں قبل بھارتی اداکارہ کریتی سینن اور پاکستانی ماڈل و اداکارہ عروہ حسین نے دبئی میں نئے سال کا جشن مناتے ہوئے اپنی تصاویر شیئر کیں۔ عروہ حسین نے نیو ایئر کی شام پر سبز سیکوئن والی گان پہنی جس نے شائقین کو متاثر کیا۔ کریتی اور عروہ کی مشترکہ تصاویر بھی سوشل میڈیا پر خوب وائرل ہوئیں اور دونوں کی دوستی اور نئے سال کی خوشیوں نے انٹرنیٹ پر خاصا شور مچایا۔