زیادہ دیر تک بیٹھے رہنا، ریڑھ کی ہڈی کے کون سے مسائل کا سبب بن سکتا ہے؟

لاہور(ہیلتھ ڈیسک)غیر صحت بخش طرز زندگی، خاص طور پر زیادہ دیر تک کرسیوں پر بیٹھنے کی عادت، آج کل دنیا میں عام ہو چکی ہے جس کے باعث صحت کے مسائل میں اضافہ ہو رہا ہے، خصوصا وہ جو ریڑھ کی ہڈی سے متعلق ہیں۔ ریڑھ کی ہڈی کے مسائل کئی بار سرجری کی ضرورت تک پہنچ جاتے ہیں۔ آرتھو رینیو ریجنیکس انڈیا جوائنٹ، اسپائن اینڈ اسپورٹس کلینک کے سینئر ڈاکٹر سوربھی بھگت نے ان مسائل کی فہرست فراہم کی ہے جو زیادہ دیر تک بیٹھے رہنے کے نتیجے میں پیش آ سکتے ہیں:ڈیجنریٹیو ڈسک کی بیماری: ریڑھ کی ہڈی میں موجود کشن خراب ہو جاتا ہے جس کے نتیجے میں ہڈیوں کے درمیان رگڑ ہوتی ہے، اور یہ درد کا سبب بن سکتا ہے۔ہرنیٹیڈ ڈسکس: جب کسی ڈسک کا نرم، اندرونی حصہ بیرونی تہہ سے زیادہ ابھرتا ہے، تو اس سے اعصاب پر دبا پڑتا ہے جو شدید درد کا باعث بنتا ہے۔فیسیٹ جوائنٹ آرتھرائٹس: ریڑھ کی ہڈی کے چھوٹے جوڑوں میں سوزش آ جاتی ہے، جو حرکت میں مشکلات پیدا کرتی ہے اور درد میں اضافہ کرتی ہے۔اسپائنل اسٹیناسس: ریڑھ کی نالی کا تنگ ہونا، جو اعصاب پر دبا ڈالنے کا سبب بنتا ہے، اور اس سے پیروں میں کمزوری، درد اور دیگر مسائل پیدا ہو سکتے ہیں۔یہ مسائل زیادہ دیر تک غلط انداز میں بیٹھنے کی وجہ سے ہوتے ہیں، اور ان کا علاج یا روک تھام صحت مند طرز زندگی اپنانے سے ممکن ہے۔