نیلم منیر کے شوہر سے متعلق تفصیلات سامنے آگئیں

کراچی ( شو بز ڈیسک)پاکستان کی خوبرو اداکارہ نیلم منیر کی شادی کی تصاویر سامنے آنے کے بعد مداحوں میں ان کے شوہر کے بارے میں تشویش پائی جارہی تھی، تاہم اب ان کے شوہر کے بارے میں تمام معلومات سامنے آچکی ہیں۔ معروف یوٹیوبر یاسر شامی نے اپنی ویڈیو میں نیلم منیر کے شوہر کے بارے میں معلومات فراہم کیں۔یوٹیوبر کے مطابق نیلم منیر کے شوہر کا نام محمد راشد ہے اور وہ دبئی پولیس کے سی آئی ڈی ڈپارٹمنٹ میں ملازم ہیں۔ یہ شادی پسند کی شادی تھی اور تقریب گزشتہ ماہ منعقد ہوئی، جس کی تصاویر اب منظر عام پر آئی ہیں۔یاسر شامی نے مزید بتایا کہ دبئی پولیس اہلکاروں کی تنخواہیں تجربے کے حساب سے 13 ہزار درہم سے 22 ہزار درہم تک ہوتی ہیں، جو پاکستانی کرنسی میں تقریبا 10 لاکھ سے 17 لاکھ روپے کے برابر ہیں۔دبئی میں عموما غیر ملکی دلہنوں کو شہریت نہیں دی جاتی، لیکن انہیں گولڈن ویزہ دیا جاتا ہے جو کہ مستقبل میں شہریت میں تبدیل ہو سکتا ہے۔ اگر نیلم منیر کے بچے ہوئے، تو انہیں دبئی کی شہریت مل سکتی ہے۔