3
کراچی( اباسین خبر)ائیرپورٹ سکیورٹی فورس (اے ایس ایف) نے کراچی ائیرپورٹ پر کارروائی کے دوران سعودی عرب جانے والے مسافر سے ایک کلو سے زائد ہیروئن برآمد کر لی۔ترجمان اے ایس ایف کے مطابق، جناح ٹرمینل ائیرپورٹ پر تعینات عملے نے کراچی سے جدہ جانے والی پرواز کے مسافر امجد علی کے سامان میں منشیات کی موجودگی کی نشاندہی کی۔مسافر نے بڑی مہارت سے ہیروئن کو اپنے سامان میں سوپ کی پیکنگ میں چھپایا تھا۔ اے ایس ایف کے عملے نے تلاشی کے دوران 1.060 کلوگرام ہیروئن برآمد کر کے اسمگلنگ کی کوشش ناکام بنائی۔گرفتار ملزم کو ابتدائی تفتیش کے بعد مزید قانونی کارروائی کے لیے اے این ایف حکام کے حوالے کر دیا گیا۔
