8
گوجرانوالہ( اباسین خبر)یونان میں کشتی حادثے میں ڈوب کر جاں بحق ہونے والے مزید 4 پاکستانیوں کی نعشیں مل گئیں، جس کے بعد حادثے میں جاں بحق ہونے والوں کی تعداد 9 ہو گئی ہے۔ایف آئی اے کے مطابق، شناخت ہونے والی 3 نعشوں کے نام نارووال کے شبیر، زین علی اور ذیشان ہیں، جبکہ ایک نعش کی شناخت سیالکوٹ کے اویس علی کے نام سے ہوئی ہے۔ذرائع کے مطابق، یہ نعشیں یونان کے جزیرے گیواڈوس سے ایتھنز کے ہسپتال منتقل کر دی گئی ہیں، جہاں پاکستانی سفارت خانہ انہیں پاکستان واپس بھیجنے کے لیے انتظامات کر رہا ہے۔یاد رہے کہ یہ حادثہ 13 اور 14 دسمبر کی درمیانی شب پیش آیا تھا، جب ایک کشتی لیبیا کے علاقے تبروک سے یونان جاتے ہوئے حادثے کا شکار ہو گئی تھی، جس میں 44 پاکستانیوں کو ریسکیو کیا گیا تھا۔
