خیبرپختونخوا؛ مشال یوسفزئی کو دوبارہ مشیر بنانے کا فیصلہ، گورنر کو سمری ارسال

پشاور( مانیٹر نگ ڈیسک)سابق مشیر خصوصی مشال یوسفزئی کو دوبارہ کابینہ میں شامل کرنے کا فیصلہ، گورنر کو سمری ارسال کردی گئی۔نجی ٹی وی کے مطابق وزیراعلی خیبرپختونخوا علی امین گنڈاپور نے سابق مشیر مشال یوسفزئی کو دوبارہ کابینہ میں شامل کرنے کا فیصلہ کیا ہے اور ان کی دوبارہ شمولیت کے لیے سمری گورنر کو ارسال کردی گئی ہے، ذرائع کے مطابق سمری گورنر ہائوس کو موصول بھی ہوگئی ہے۔واضح رہے کہ مشال یوسفزئی کو چند روز قبل وزیراعلی کے مشیر کے عہدے سے ہٹادیا گیا تھا، تاہم بانی چیئرمین پی ٹی آئی عمران خان کی ہدایت پر دوبارہ کابینہ میں شامل کیا جارہا ہے۔