9
لاہور( اباسین خبر) لاہور سمیت پنجاب بھر میں خشک موسم کی وجہ سے گرمی کی شدت میں بتدریج اضافہ ہو رہا ہے۔ محکمہ موسمیات کے مطابق عید الفطر کے تیسرے روز آج گرمی کی شدت زیادہ ہوگی اور آئندہ دو سے تین روز تک بارش کا امکان نہیں ہے۔لاہور میں کم سے کم درجہ حرارت 17 ڈگری سینٹی گریڈ اور زیادہ سے زیادہ 33 ڈگری سینٹی گریڈ تک جانے کا امکان ہے۔ گرمی کی شدت میں اضافے کے باعث گھروں اور دفاتر میں پنکھوں کے ساتھ اے سی کا استعمال بڑھ گیا ہے۔
