پاکستان اسٹاک ایکسچینج میںتیزی 100 انڈیکس میں 984 پوائنٹس کا اضافہ

کراچی ( کامرس ڈیسک)پاکستان اسٹاک ایکسچینج کی ہفتہ وار اپ ڈیٹ کے مطابق، گزشتہ روز ختم ہونے والے کاروباری ہفتے میں 100 انڈیکس میں 984 پوائنٹس کا اضافہ ہوا، اور یہ 1 لاکھ 18 ہزار 791 پر بند ہوا۔ اس دوران 100 انڈیکس 3 ہزار 288 پوائنٹس کے بینڈ میں رہا۔ہفتے کے دوران انڈیکس کی بلند ترین سطح 1 لاکھ 20 ہزار 796 جبکہ کم ترین سطح 1 لاکھ 17 ہزار 508 رہی۔بازارِ حصص میں اس ایک ہفتے کے دوران 97.63 کروڑ شیئرز کے سودے ہوئے، اور ہفتہ وار کاروبار کی مالیت 63.7 ارب روپے رہی۔ مارکیٹ کیپٹلائزیشن میں 101 ارب روپے کا اضافہ ہوا، جس سے یہ 14 ہزار 475 ارب روپے تک پہنچ گئی۔