گوادر میں بم دھماکہ، راہگیر جاں بحق، واشک میں 13 لیویز اہلکار برطرف

کو ئٹہ ( اباسین خبر)گوادر کے مغربی ساحل پر میرین ڈرائیو کے قریب ہونے والے بم دھماکے میں ایک راہگیر جاں بحق اور ایک شخص زخمی ہو گیا۔ دھماکہ انتہائی زور دار تھا اور اس نے علاقے میں خوف و ہراس پیدا کر دیا۔دوسری جانب، واشک کے علاقے ناگ سے 13 لیویز اہلکاروں کو ملازمت سے برطرف کر دیا گیا۔ برطرف اہلکاروں میں ایک حوالدار اور 12 سپاہی شامل ہیں۔ یہ کارروائی اس وقت کی گئی جب 2 روز قبل دہشت گردوں نے لیویز اہلکاروں سے اسلحہ چھین لیا تھا۔