یونیسکو نے خیبرکے گلیات اور چترال بشقار گرم چشمے کو بایوسفیئر ریزرو کا درجہ دے دیا

پشاور ( مانیٹرنگ ڈیسک)اقوام متحدہ کے ذیلی ادارے یونیسکو نے خیبر پختونخوا کے گلیات اور چترال بشقار گرم چشمے کو عالمی سطح پر بایوسفیئر ریزرو کا درجہ دے دیا ہے، جس سے ان قدرتی مقامات کو عالمی سطح پر پہچان اور اہمیت حاصل ہوئی ہے۔خیبر پختونخوا حکومت کے ترجمان بیرسٹر ڈاکٹر سیف کا کہنا تھا کہ گلیات اور چترال بشقار گرم چشمے کو یونیسکو کی جانب سے بایوسفیئر ریزرو کا درجہ ملنا ایک اہم سنگ میل ہے۔ یونیسکو یہ درجہ ان قدرتی علاقوں کو دیتا ہے جہاں جنگلی حیات، جنگلات، دریاں اور دیگر ماحولیاتی نظام کا مثر تحفظ یقینی بنایا جاتا ہے۔انہوں نے مزید کہا کہ یہ مقامات نہ صرف قدرتی حسن اور حیاتیاتی تنوع کے لحاظ سے اہم ہیں بلکہ یہاں مقامی آبادی فطرت کے ساتھ ہم آہنگ زندگی گزارتی ہے۔یہ پیشرفت ماحول کے تحفظ، پائیدار ترقی اور سائنسی تحقیق کے فروغ میں ایک تاریخی قدم ہے اور ان مقامات کو عالمی تحفظ کی فہرست میں شامل کرنا خیبر پختونخوا کے قدرتی وسائل کی حفاظت کے عزم کا مظہر ہے۔ بیرسٹر ڈاکٹر سیف نے کہا کہ حکومت جنگلی حیات اور قدرتی وسائل کی حفاظت کے لیے مزید سنجیدہ اقدامات کر رہی ہے۔