ٹیکساس( مانیٹرنگ ڈیسک)امریکی ریاست ٹیکساس کی اسمبلی نے 23 مارچ کو یوم پاکستان کے طور پر تسلیم کرنے کی قرارداد منظور کر لی، جس میں پاکستانی نژاد امریکی کمیونٹی کی ریاست میں سماجی، مذہبی، لسانی اور معاشی خدمات کا اعتراف کیا گیا۔نیو یارک کی ریاستی اسمبلی نے بھی یوم پاکستان اور پاکستان بزنس ڈے کے حوالے سے دو قراردادیں منظور کیں۔پاکستانی سفیر، رضوان سعید شیخ نے ٹیکساس اسمبلی کی جانب سے یوم پاکستان کی قرارداد منظور کرنے کا خیرمقدم کرتے ہوئے کہا کہ اس پیشرفت سے پاک امریکا تعلقات خصوصا معاشی تعلقات میں مزید بہتری آئے گی۔ انہوں نے کہا کہ یہ سلسلہ دیگر ریاستوں تک پھیلایا جائے گا، خصوصا وہ ریاستیں جہاں پاکستانی کمیونٹی کی بڑی تعداد موجود ہے۔قونصل جنرل محمد آفتاب چوہدری نے اسپیکر ٹیکساس اسمبلی ڈسٹن بروز سے ملاقات کی اور قرارداد کی منظوری میں ان کے کردار پر شکریہ ادا کیا۔ اس موقع پر ڈاکٹر سلیمان لالانی کی جانب سے دی گئی افطار پارٹی میں بھی قونصل جنرل اور دیگر مقامی معززین نے شرکت کی۔
ٹیکساس اسمبلی میں یوم پاکستان کی قرارداد منظور، پاکستانی کمیونٹی کی خدمات کا اعتراف
6
