خیبر پختونخوا کی جیلوں سے 214 ملزمان کی رہائی، معمولی مقدمات میں قید تھے

پشاور( اباسین خبر)خیبر پختونخوا کی مختلف جیلوں میں معمولی نوعیت کے مقدمات میں قید 214 ملزمان کو رہا کردیا گیا۔چیف جسٹس پشاور ہائیکورٹ کی ہدایت پر ڈسٹرکٹ سیشن ججز نے مختلف جیلوں کا دورہ کیا اور وہاں معمولی جرائم میں ملوث قیدیوں کے کیسز سن کر موقع پر فیصلہ جاری کیا۔رجسٹرار پشاور ہائی کورٹ آفس کے مطابق، سینٹرل جیل پشاور سے 69، صوابی جیل سے 25، مردان جیل سے 16، کوہاٹ جیل سے 9، ہری پور جیل سے 10 اور ڈی آئی خان جیل سے 11 قیدی رہا کیے گئے ہیں۔ صوبے کی 34 جیلوں سے مجموعی طور پر 214 قیدیوں کو رہا کیا گیا ہے۔