ارباب نیاز اسٹیڈیم کی حالت خراب،پشاور زلمی اور کوئٹہ گلیڈی ایٹرز کا نمائشی میچ خطرے میں پڑگیا

لاہور( سپورٹس ڈیسک)پاکستان سپر لیگ (پی ایس ایل) کے 10ویں ایڈیشن کے آغاز سے قبل پشاور زلمی اور کوئٹہ گلیڈی ایٹرز کے درمیان 8 اپریل کو ہونے والا نمائشی میچ اب خطرے میں پڑ گیا ہے۔ میڈیا رپورٹس کے مطابق، ارباب نیاز اسٹیڈیم کی خراب آٹ فیلڈ اور غیر مناسب سہولتوں کی وجہ سے یہ میچ ممکن نہیں لگتا۔پاکستان کرکٹ بورڈ (پی سی بی) کی ٹیم نے اسٹیڈیم کا دورہ کیا اور گرانڈ کی حالت کو دیکھتے ہوئے اسے نمائشی میچ کی میزبانی کے لیے نامناسب قرار دیا۔ رپورٹس کے مطابق، پچ اور آٹ فیلڈ کی حالت درست نہیں، اور ڈریسنگ رومز میں بنیادی سہولتیں بھی موجود نہیں ہیں۔ مزید برآں، میڈیا باکس اور کمنٹری کی سہولتیں بھی مناسب نہیں ہیں۔پشاور زلمی کے مالک جاوید آفریدی نے پی ایس ایل کے 10ویں ایڈیشن کے میچز کے لیے پی سی بی کے چیئرمین محسن نقوی سے رابطہ بھی کیا تھا تاکہ اس مسئلے کا حل نکالا جا سکے۔یاد رہے کہ پی ایس ایل کا 10واں ایڈیشن 11 اپریل سے شروع ہوگا، اور افتتاحی میچ میں چیمپئین اسلام آباد یونائیٹڈ اور لاہور قلندرز کی ٹیمیں مدمقابل آئیں گی۔