نیپرا میں کل آئی پی پیز کے ٹیرف میں کمی کے حوالے سے اہم سماعت ہوگی، نظرثانی کی درخواست پر غور

اسلام آباد( کامرس ڈیسک)آئی پی پیز کے ٹیرف میں کمی کے حوالے سے اقدامات پر 7 آئی پی پیز اور سی پی پی اے کی ٹیرف نظرثانی کے لئے نیپرا سے درخواست پر کل سماعت ہوگی۔ درخواست 2002 کی پاورپالیسی کے تحت لگنے والے آئی پی پیز نے دائر کی ہے۔نیپرا اتھارٹی آئی پی پیز کی درخواست پر کل سماعت کرے گی، جس میں شامل کمپنیاں نشاط چونیاں پاور، نشاط پاور نارووال انرجی لمٹیڈ، لبرٹی پاورٹیک لمٹیڈ، اینگروپاورجن قادرپور لمٹیڈ، سیفائر الیکڑک پاور لمٹیڈ اور سیف پاور لمٹیڈ ہیں۔سماعت کے دوران روپے اور ڈالر کی قدر کے فرق کے طریقہ کار پر نظرثانی، ٹیک اینڈ پے سسٹم کے تحت ادائیگیوں کے طریقہ کار کا جائزہ، اور ای پی سی لاگت کے 0.90 فیصد انشورنس کیپ پر نظرثانی کے معاملے کا بھی جائزہ لیا جائے گا۔