9
غزہ( مانیٹرنگ ڈیسک)اسرائیلی حملے میں حماس کے سینئر رہنما صلاح البردویل اور ان کی اہلیہ شہید ہو گئے۔ دونوں پناہ گزین خیمے میں موجود تھے۔غیر ملکی میڈیا کے مطابق اسرائیل کی جانب سے غزہ کے مختلف حصوں میں شدید بمباری کا سلسلہ جاری ہے جس کے نتیجے میں کم از کم 35 افراد شہید ہو چکے ہیں۔میڈیا رپورٹس کے مطابق اسرائیلی حملے میں حماس کے سیاسی بیورو کے رہنما صلاح البردویل اہلیہ سمیت شہید ہو گئے۔ وہ فلسطینی قانون ساز کونسل کے رکن اور حماس کے سرکردہ رہنما تھے۔مقامی ذرائع کے مطابق یہ حملہ خان یونس کے علاقے مواسی میں اس وقت ہوا جب صلاح البردویل اور ان کی اہلیہ رمضان کی 23ویں شب نماز ادا کر رہے تھے۔ وہ جنگ کے دوران اسی پناہ گاہ میں مقیم تھے۔
