7
ماونٹ مونگانوئی( سپورٹس ڈیسک)نیوزی لینڈ ٹی20 ٹیم کے کپتان مائیکل بریسویل نے پاکستان کے خلاف چوتھے ٹی20 میچ میں فتح کے بعد خوشی کا اظہار کرتے ہوئے کہا کہ “ٹیم نے پچھلے میچ کی شکست کے بعد اچھا کم بیک کیا اور آج کی جیت پر خوش ہیں۔”میڈیا سے گفتگو کرتے ہوئے مائیکل بریسویل نے کہا کہ “میرے خیال میں کنڈیشنز میں زیادہ تبدیلی نہیں آئی ہے۔” انہوں نے مزید کہا کہ “ہم جلد وکٹیں لینے میں کامیاب رہے اور ہمارے بیٹرز نے ہمیں کھیل میں اچھا آغاز فراہم کیا۔”کپتان نے کہا کہ “ڈیرل مچل اور میں نے اسکور کو 220 رنز تک پہنچا دیا، جس پر ہمیں خوشی ہے۔” انہوں نے نیوزی لینڈ کے تمام فاسٹ بولرز کی شاندار کارکردگی کو سراہا اور کہا کہ “ہمارے فاسٹ بولرز نے زبردست کارکردگی کا مظاہرہ کیا ہے۔
