ڈیرہ اسماعیل خان: خوارجی نعیم خان سے خاندان اور گائوں کے مشران کا مکمل لاتعلقی کا اعلان، نہ فاتحہ، نہ تعزیت

ڈی آئی خان( اباسین خبر) 13 مارچ کو جندولہ فورٹ حملے میں مارے جانے والے خوارجی نعیم خان سے اس کے والد احمد خان، خاندان اور گائوں کے مشران نے مکمل لاتعلقی کا اعلان کر دیا۔کری شموزئی اور ڈی آئی خان کے 20 سے زائد مشران نے جرگہ میں شرکت کی اور خوارجی نعیم خان سے قطع تعلق کا اظہار کیا۔ والد احمد خان نے کہا کہ “جو پاکستان اور پاک فوج کے خلاف ہو، وہ ریاست کا دشمن ہے، چاہے میرا اپنا بیٹا ہی کیوں نہ ہو۔” انہوں نے مزید کہا کہ “تقریبا سوا سال پہلے میں اس کے پیچھے قرآن لے کر گیا، لیکن اس نے قرآن بھی رد کر دیا۔”احمد خان نے اعلان کیا کہ “مجھے نہ اس کی نعش چاہیے اور نہ ڈھانچہ، خوارجیوں کے لیے نہ کوئی عزت، نہ جنازہ، میرا بیٹا جہنم کا ایندھن ہے۔”علاقے کی تاریخ میں پہلی بار کسی مرنے والے پر نہ فاتحہ خوانی ہوئی اور نہ تعزیت۔ عوام اور مشران نے خوارجین کے خلاف سخت موقف اپناتے ہوئے کہا کہ “پاکستان اور پاک فوج کے خلاف ہتھیار اٹھانے والوں کے لیے کوئی رعایت نہیں۔