قومی ٹیم کرائسٹ چرچ پہنچ گئی، نیوزی لینڈ کے خلاف 16 مارچ سے آغاز ہونے والی سیریز کی تیاریاں شروع

لاہور( سپورٹس ڈیسک)پاکستان قومی کرکٹ ٹیم دورہ نیوزی لینڈ کے لیے کرائسٹ چرچ پہنچ گئی ہے جہاں وہ 5 میچز کی ٹی 20 سیریز کے لیے تیاریاں شروع کرے گی۔ قومی اسکواڈ آج آرام کرے گا اور کل مقامی وقت کے مطابق 1 بجے پریکٹس سیشن میں حصہ لے گا۔پاکستان اور نیوزی لینڈ کے درمیان سیریز کا پہلا ٹی 20 میچ 16 مارچ کو کھیلا جائے گا، جس کا شدت سے انتظار کیا جا رہا ہے۔ قومی ٹیم میں نئے کھلاڑی عبدالصمد اور حسن نواز بھی شامل ہیں جو پہلی مرتبہ پاکستان ٹیم کا حصہ بنے ہیں۔دوسری جانب نیوزی لینڈ نے سیریز کے لیے اپنے اسکواڈ میں چیمپئنز ٹرافی کی فائنلسٹ ٹیم کے 7 کھلاڑیوں کو منتخب کیا ہے، اور ٹیم کی قیادت مائیکل بریسویل کریں گے۔