جنوبی وزیرستان میں خودکش دھماکا ناکام، فورسز کی کارروائی میں 10 دہشت گرد ہلاک

پشاور( اباسین خبر)خیبر پختونخوا کے ضلع جنوبی وزیرستان کے اپر جنڈولہ قلعے پر خودکش دھماکا ناکام بنا دیا گیا۔ سیکیورٹی فورسز کی جوابی فائرنگ میں متعدد دہشت گرد ہلاک ہوگئے۔رپورٹ کے مطابق، دہشت گردوں نے دھماکے کے بعد شدید فائرنگ کی، جس میں خودکش حملہ شامل تھا۔ سیکیورٹی ذرائع کا کہنا ہے کہ قلعہ کے باہر گیٹ پر متعدد دہشت گردوں کو مارا گیا۔ جنوبی گیٹ کے باہر خودکش حملہ آور نے اپنے آپ کو اڑا لیا، جس کے نتیجے میں 2 جوان زخمی ہو گئے۔سیکیورٹی ذرائع نے بتایا کہ 10 دہشت گرد ہلاک ہوئے اور کارروائی جاری ہے۔ علاقے میں لڑاکا ہیلی کاپٹر گشت کر رہے ہیں اور فائرنگ کی آوازیں سنائی دے رہی ہیں۔ صورتحال کشیدہ ہے۔