لوئر دیر: گورنمنٹ گرلز اسکول بند کرنے اور رکن اسمبلی کو بھتے کی دھمکیاںکاانکشاف

پشاور( اباسین خبر)لوئر دیر میں گورنمنٹ گرلز اسکولوں کو نامعلوم افراد کی جانب سے دھمکیاں ملنے کا انکشاف ہوا ہے۔ ضلعی انتظامیہ کے مطابق دھمکی آمیز کالز میں کہا گیا کہ گرلز اسکولوں کو فوری طور پر بند کر دیا جائے ورنہ سنگین نتائج کے ذمے دار خود اسکول انتظامیہ ہوگی۔دھمکیاں ملنے کے بعد، ڈی ای او نے فوری طور پر ضلعی انتظامیہ کو اس صورت حال سے آگاہ کیا ہے۔اسی دوران، لوئر دیر سے تعلق رکھنے والے رکن قومی اسمبلی کو بھی طالبان کی جانب سے بھتہ دینے کا خط موصول ہوا ہے، جس میں انہیں بھتہ نہ دینے کی صورت میں سنگین نتائج کی دھمکیاں دی گئی ہیں۔