وزیراعظم شہباز شریف اوروزیراعلی بلوچستان سرفراز بگٹی آ ج دہشتگردی کیخلاف بڑی بیٹھک میں اکٹھے ہونگے

اسلام آباد( اباسین خبر)وزیراعظم شہباز شریف آج ایک روزہ دورے پر کوئٹہ پہنچیں گے، جہاں وہ امن و امان کی صورتحال پر اجلاس کی صدارت کریں گے۔ جعفر ایکسپریس پر دہشت گردوں کے حملے کے بارے میں بریفنگ دی جائے گی، اور دہشت گردوں کے خلاف سخت اقدامات پر بات چیت کی جائے گی۔وزیراعلی بلوچستان سرفراز بگٹی نے وزیراعظم کو حملے کی تازہ ترین صورتحال سے آگاہ کیا۔ وزیراعظم نے شہدا کے خاندانوں سے اظہار افسوس کرتے ہوئے کہا کہ پوری قوم اس بزدلانہ حملے اور معصوم جانوں کے ضیاع پر غمگین ہے۔وزیراعظم کا کہنا تھا کہ اس قسم کے حملے پاکستان کے امن کے عزم کو متزلزل نہیں کر سکتے، اور درجنوں دہشت گردوں کو جہنم واصل کیا جا چکا ہے۔