رقت آ میز منا ظر ہر آ نکھ اشک بار،جعفر ایکسپریس حملے میں شہید ہونے والوں کی میتیں مچھ اسٹیشن پہنچا دی گئیں

کو ئٹہ ( اباسین خبر)جعفر ایکسپریس پر حملے میں شہید 25 افراد کی میتیں مچھ ریلوے اسٹیشن پہنچا دی گئی ہیں۔ ضلعی انتظامیہ کے مطابق شہدا کی میتوں کو شناخت کے بعد ان کے آبائی علاقوں کو بھجوایا جائے گا جبکہ زخمیوں کو ضروری کارروائی کے بعد ان کے گھروں کو روانہ کیا جائے گا۔یاد رہے کہ ایک روز قبل بولان میں دہشت گردوں نے پشاور جانے والی جعفر ایکسپریس پر حملہ کیا تھا اور مسافروں کو یرغمال بنا لیا تھا، جن میں عورتیں اور بچے بھی شامل تھے۔فورسز کے کلیئرنس آپریشن کے دوران 190 مسافروں کو بازیاب کر لیا گیا۔ پاک فوج کے شعبہ تعلقاتِ عامہ (آئی ایس پی آر) کے ڈائریکٹر جنرل، لیفٹیننٹ جنرل احمد شریف نے پریس بریفنگ میں بتایا کہ جعفر ایکسپریس کے یرغمالی مسافر بازیاب ہو گئے اور 33 دہشت گرد ہلاک کر دیے گئے۔ کارروائی کے دوران ایف سی کے 4 جوان بھی شہید ہوئے۔ دہشت گردوں نے ٹرین کے 21 مسافروں کو سیکیورٹی فورسز کے آپریشن سے قبل شہید کر دیا تھا۔