ہمیں فیلڈنگ اور بیٹنگ میں بہتری لانا ہوگی: محمد رضوان

کراچی ( سپورٹس ڈیسک)قومی کرکٹ ٹیم کے وائٹ بال کے کپتان محمد رضوان نے فیلڈنگ کی اہمیت پر زور دیتے ہوئے کہا کہ ٹیم کو فیلڈنگ میں بہتری لانے کی ضرورت ہے۔ انہوں نے کہا کہ سلمان علی آغا کے ساتھ پارٹنرشپ بنا کر 260 کے قریب ہدف دیکھ رہے تھے، مگر ان کے آٹ ہونے کے بعد پاکستان کا سکور نیچے آگیا۔محمد رضوان نے مزید کہا کہ ٹیم کو بیٹنگ میں بھی پرفارم کرنا ہوگا اور اپنی غلطیوں پر قابو پانے کی کوشش کریں گے۔ انہوں نے ابرار احمد کی کارکردگی کو سراہتے ہوئے کہا کہ ابرار نے تینوں شعبوں میں اچھی کارکردگی دکھائی ہے۔