فواد چوہدری نے شعیب شاہین کو تھپڑ مار دیا

راولپنڈی ( اباسین خبر)سابق وفاقی وزیر فواد چوہدری اور پاکستان تحریکِ انصاف (پی ٹی آئی) کے رہنما بیرسٹر شعیب شاہین کے درمیان اڈیالہ جیل میں جھگڑا ہوگیا۔لڑائی کے دوران فواد چوہدری نے شعیب شاہین کو تھپڑ مارا جس کے نتیجے میں شعیب شاہین زمین پر گر گئے اور ان کے بازو پر چوٹ آئی۔ جھگڑے کے دوران فواد چوہدری نے شعیب شاہین کو “ٹاٹ” کہا جبکہ شعیب شاہین نے فواد چوہدری سے کہا کہ وہ اپنے کام سے کام رکھیں۔جھگڑے کے بعد فواد چوہدری اڈیالہ جیل کے اندر چلے گئے، جبکہ شعیب شاہین کو جیل کے سپرنٹنڈنٹ نے اندر بلا لیا۔اس واقعے کی عینی شاہد نادیہ خٹک نے کہا کہ فواد چوہدری نے شعیب شاہین کو مارا جس سے وہ زمین پر گر گئے اور ان کے ہاتھ پر چوٹ آئی۔ نادیہ خٹک نے مزید کہا کہ اختلافات کو زبانی طریقے سے حل کرنا چاہیے تھا، مار پیٹ نہیں کرنی چاہیے تھی، شکر ہے کہ شعیب شاہین کی ہڈی نہیں ٹوٹی۔