’’ڈکی بھائی کی ویڈیوز شرمناک ہیں‘‘، مشی خان کی تنقید

لاہور( شوبز ڈیسک)اداکارہ مشی خان نے فیملی وی لاگنگ پر ہونے والی تنقید کے درمیان ڈکی بھائی کی ویڈیوز کو “شرمناک” قرار دے دیا ہے۔مشی خان کا کہنا تھا کہ فیملی وی لاگنگ غلط نہیں ہے، مگر اس میں بدتمیزی نہیں ہونی چاہیے، اور ڈکی بھائی کی ویڈیوز شرمناک ہوتی ہیں۔ انہوں نے ایک پوڈکاسٹ میں شرکت کرتے ہوئے کہا کہ یوٹیوبر شام ادریس اور زید علی کا کانٹینٹ بہت اچھا تھا اور ان کے بران مام اور بران بوائے کے کانسیپٹس نے انہیں بہت مقبول کیا۔ تاہم، ان کے بعد آنے والے یوٹیوبرز وہ معیار برقرار نہیں رکھ پائے۔مشی خان نے مزید کہا کہ انہوں نے کئی سال پہلے ڈکی بھائی کی ایک ویڈیو دیکھی تھی، جس میں وہ گندی گالیاں دے کر روسٹنگ کر رہے تھے۔ مشی نے کہا، “بچے بھی ان کی ویڈیوز دیکھتے ہیں، اور میں نے صرف 5 سیکنڈ بعد ویڈیو دیکھنا بند کر دی تھی۔”انہوں نے شام ادریس کے خلاف ڈکی بھائی کی مہم پر بھی بات کی، اور کہا کہ اس مہم میں شام ادریس کو شدید نفرت کا سامنا کرنا پڑا، تاہم مشی کے مطابق “مکافات عمل تو ہوتا ہے، اور سات سال بعد ڈکی بھائی خود ایکسپوز ہو گئے۔”مشی خان نے فیملی وی لاگنگ کو پسندیدہ قرار دیا کیونکہ ہمارے معاشرے میں دوسروں کے گھروں میں دلچسپی زیادہ ہوتی ہے، مگر انہوں نے اس بات پر زور دیا کہ فیملی وی لاگز میں بدتمیزی نہیں ہونی چاہیے، کیونکہ اس سے لوگ اپنے گھروں میں بھی وہی کچھ کرنے لگتے ہیں۔مشی خان نے یہ بھی کہا کہ وہ جلد یوٹیوب پر فعال ہونے کا ارادہ رکھتی ہیں اور بھارتی یوٹیوبر دھرو راٹھی کی تعریف کرتے ہوئے کہا کہ وہ بہت اچھا کانٹینٹ بناتے ہیں۔اداکارہ نے اپنے انسٹاگرام اکانٹ پر ایک ویڈیو شیئر کرتے ہوئے کہا کہ پاکستان میں کئی یوٹیوبرز گندی زبان استعمال کرتے ہیں اور گندی گالیاں دے کر اپنا کیریئر بنا چکے ہیں، جن میں سب سے ٹاپ پر ڈکی بھائی ہیں جنہوں نے 13-14 سال کے بچوں کو گالیاں سکھائی ہیں۔ مشی خان نے سوال کیا کہ “پاکستان میں کوئی ان کے خلاف کیوں نہیں کھڑا ہوتا؟”