کیلیفورنیا( مانیٹرنگ ڈیسک)ایپل نے گوگل کے بعد اپنے آن لائن نقشوں پر “گلف آف میکسیکو” کا نام تبدیل کر کے “گلف آف امریکا” رکھ دیا ہے۔ یہ فیصلہ امریکی صدر ڈونلڈ ٹرمپ کے حکم پر یو ایس جیوگرافک نیمز انفارمیشن سسٹم کی جانب سے باضابطہ طور پر نام کی تبدیلی کے بعد کیا گیا۔گوگل نے اپنے نقشے پر یہ تبدیلی کر لی ہے لیکن کمپنی کا کہنا ہے کہ امریکہ میں صارفین “گلف آف امریکا” دیکھیں گے جبکہ میکسیکو میں “گلف آف میکسیکو” نظر آئے گا۔ دوسرے ممالک میں دونوں نام دکھائے جائیں گے۔یو ایس جیوگرافک نیمز انفارمیشن سسٹم نے اتوار کو اس تبدیلی کو باضابطہ طور پر اپ ڈیٹ کیا۔ اس کے علاوہ، مائیکروسافٹ نے بھی اپنے بنگ میپ پر “گلف آف میکسیکو” کا نام تبدیل کر کے “گلف آف امریکا” کر دیا ہے۔دوسری جانب، عالمی نیوز ایجنسی ایسوسی ایٹڈ پریس نے اعلان کیا ہے کہ وہ خلیج میکسیکو کو اس کے روایتی نام سے ہی حوالہ دے گا، جو وہ گزشتہ 400 سال سے استعمال کر رہا ہے، تاہم ادارہ “گلف آف امریکا” کے نام کو بھی تسلیم کرتا ہے۔
گوگل کے بعد ایپل نے بھی اپنے میپ پر خلیج میکسیکو کا نام تبدیل کردیا
9
