6
اسلام آباد( اباسین خبر)سپریم کورٹ میں نئے 6 مستقل ججز اور ایک قائم مقام جج نے حلف اٹھا لیا۔یہ تقریب پہلی بار سپریم کورٹ کے عدالتی احاطے کے لان میں منعقد ہوئی، جہاں چیف جسٹس پاکستان یحیی آفریدی نے ججز سے حلف لیا۔ حلف اٹھانے والوں میں جسٹس عامر فاروق، جسٹس اشتیاق ابراہیم، جسٹس شکیل احمد، جسٹس شفیع صدیقی، جسٹس صلاح الدین پنہور اور جسٹس ہاشم کاکڑ شامل ہیں۔ اس کے علاوہ، جسٹس میاں گل حسن اورنگزیب نے قائم مقام جج کا حلف لیا۔تقریب میں سپریم کورٹ اور ہائیکورٹ کے ججز، اٹارنی جنرل، سپریم کورٹ بار، پاکستان بار کے عہدیداران، سینئر وکلا اور ججز کے اہلخانہ نے شرکت کی۔یاد رہے کہ گزشتہ روز وفاقی وزارت قانون و انصاف نے ان ججز اور ہائیکورٹس کے چیف جسٹسز کی تقرری کے نوٹیفکیشن جاری کئے تھے، مگر حلف برداری ایک دن کے لیے ملتوی کردی گئی تھی۔
