پنجاب کے بیشتر میدانی علاقوں میں دھند کے ڈیرے، موٹر ویز ٹریفک کیلئے بند

لاہور( اباسین خبر)پنجاب کے بیشتر میدانی علاقوں میں شدید دھند چھا گئی، جس کے باعث حد نگاہ میں کمی واقع ہوئی۔دھند کے سبب قومی شاہراہ پر ٹریفک کی روانی متاثر ہوئی، اور موٹر ویز کے مختلف سیکشنز کو ٹریفک کے لئے بند کر دیا گیا۔ ترجمان موٹر وے پولیس کے مطابق، ایم 2 موٹر وے لاہور سے کوٹ مومن تک، ایم 3 عبدالحکیم تک، ایم 4 پنڈی بھٹیاں سے فیصل آباد تک، اور لاہور سیالکوٹ ایم 11 کو دھند کے باعث بند کر دیا گیا ہے۔ترجمان کا کہنا ہے کہ عوام کی حفاظت کو یقینی بنانے کے لئے موٹر ویز کو بند کیا گیا ہے اور روڈ یوزرز کو دن کے اوقات میں سفر کرنے کی ترغیب دی گئی ہے۔